Hezi+ programa Hezkuntza Sailaren ekimen bat da, ikasleen ikaskuntza-aukerak zabaltzea eta hezkuntza bidezkoagoa eskaintzea helburu duena. Bere helburu nagusia ikaskuntza eskola-ordutegitik harago zabaltzea eta garapen akademikoa zein pertsonala sustatzea da.
Zer lortu nahi dugu? Hezi+ programaren bidez honako hauek lantzen ditugu: oinarrizko konpetentziak indartzea (bereziki irakurmena eta matematika), ikaskuntza bizitza errealarekin eta ingurunearekin lotzea, ikasleen eta familien parte-hartzea sustatzea, desberdintasunak murriztea (sozialak, linguistikoak eta ekonomikoak), berrikuntza pedagogikoa eta irakasleen garapen profesionala bultzatzea... Proiektu partekatua da, hezkuntza-komunitate osoaren inplikazioan oinarritzen dena: ikasleak, irakasleak, familiak, ingurune hurbila...
PROGRAMAREN ANTOLAKETA:
Goizez → ikaskuntza curricular nagusia Arratsaldez → Hezi+ jarduerak
Astean gutxienez 3 egun
Astean gutxi gorabehera 6 orduko iraupena
Urritik maiatzera bitartean
PROGRAMAREN EGITURAKETA:
He-Indartuz: Irakurmea eta matematika.
He-Hobetuz: Motibazioa sustatzeko jarduerak.
2026-2027 ikasturtean, ikasketa teknikak, liburutegi gidatua eta tailer ezberdinak eskeiniko ditugu.
IKASKETA TEKNIKAK
Saio honetan ikasleek, irakasleen laguntzarekin, euren ikas-jardueran lagungarriak izan daitezkeen teknikak lantzeko aukera izango dute: azpimarratzea, eskemak egitea, ikasteko metodoak,...
KAMARAK SARTU!
Proiektu honen helburua euskal kultura garaikidea eta ikus-entzunezko sorkuntza gazteengana hurbiltzea da.
Proiektuaren amaieran, ikasleek gehienez 5 minutuko ikus-entzunezko pieza bat sortuko dute, euskal kulturaren inguruko ikuspegi propioa eskainiz.
KIROL JARDUERAK
Jarduera honetan ikasleek askotariko kirolak eta jolas kooperatiboak ezagutzeko eta praktikatzeko aukera izango dute, bizimodu aktibo eta osasungarria sustatzeko.
Jardueren bidez, lankidetza, elkarrekiko errespetua eta joko garbia landuko dituzte, euskararen erabilera eta ikasleen arteko harreman positiboak indartuz.
SUKALDARITZA
Jarduera honetan ikasleek sukaldaritzako oinarrizko teknikak landuko dituzte, errezeta errazak prestatuz. Lan praktiko eta kooperatiboaren bidez, autonomia, sormena eta ardurak partekatzeko gaitasuna garatuko dituzte, euskarazko komunikazioa sustatuz.
LIBURUTEGI GIDATUA
Jarduera honetan ikasleek aukera izango dute DBHko liburutegian etxerako lanak edo talde lanak egiteko tartea izango dute, beti ere irakasle baten ardurapean.